Policia Rrugore e Vlorës ka arrestuar 9 persona, në kuadër të përmirësimit të sigurisë rrugore dhe parandalimit të aksidenteve. Gjithashtu, gjatë javës janë vendosur mbi 1200 masa administrative për shkelje të ndryshme të Kodit Rrugor në Vlorë dhe Sarandë. Konkretisht 99 masa për mosvendosjen e rripit të sigurimit, 57 për mosvendosjen e kaskës mbrojtëse, 36 për përdorimin e celularit gjatë drejtimit të mjetit, 15 masa për drejtim mjeti nën efektin e alkoolit, 279 masa për shpejtësi mbi normat e lejuara, 110 masa për parakalime të gabuara, 228 masa për ndalim/qëndrim të gabuar, si dhe 443 masa për shkelje të tjera. Ndërkohë 4 leje drejtimi janë pezulluar. Policia Rrugore apelon shoferët për respektimin e rregullave të qarkullimit, pasi shkeljet mund të vënë në rrezik jetën e tyre dhe të të tjerëve.