Një aksion antidrogë është zhvilluar në Gramsh këtë të dielë, ku sipas burime e ka pasur disa të ndaluar. Burime për top News, thanë se në operacionin e zhvilluar nga Prokuroria e Elbasanit është përfshirë dhe agjencia e mbikëqyrjes policore, Burimet thanë se janë zhvilluar kontrolle në banesat e dy personave të cilët ishin me masë sigurie, por që dyshohet se vijonin të ushtronin aktivitetin e tyre të shpërndarjes së lëndëve narkotike. Gjatë kontrolleve mësohet se janë sekuestruar mbi 400 gramë kokainë e pastër. Për operacionin ende nuk janë bërë të ditura të dhënat ndërsa mësohet se nën hetim janë edhe oficerë të policisë, të dyshuar për shpërdorim detyre, pasi dyshohet se nuk kanë kryer kontrollet e duhura për të verifikuar nëse dy shtetasit zbatonin apo jo masën e sigurisë “arrest në shtëpi”.