Autoritetet kineze kanë rritur bilancin zyrtar të viktimave në përmbytjet shkatërrimtare të muajit të shkuar në Henan, në 302, me të paktën 50 persona që ende mundojnë në apel. Njoftimi, e trefishon numrin e konfirmuar të viktimave të përmbytjeve, që ishte deri më tani 99. Në një konferencë për shtyp, autoritetet në Henan lajmëruan se 292 persona kishin humbur jetën në kryeqytetin provincial, Zhengzhou, dhe 47 të tjerë ishin të zhdukur. 7 persona ndërkohë kanë humbur jetën në Xinxiang, dhe tre konsiderohen të zhdukur dhe dy janë viktimat e përmbytjeve në Pingdingshan e një në Luohe. Zyrtarët thanë se 39 vetë ishin gjetur të pajetë në një park nëntokësor makinash dhe gjashtë kishin humbur jetën në një tunel nën qytet.