Tensioni në Egje është rritur sërish mes aleatëve të NATO-s, Greqisë dhe Turqisë, pas një incidenti të ri ajror mes forcave ajrore luftarake të të dy vendeve. Të hënën, dy avionë ushtarakë turq F-16 të armatosur, të shoqëruar nga dy avionë patrullimi detar CN-235, hynë në hapësirën ajrore të Athinës pa plan fluturimi. Sipas Shtabit të Përgjithshëm të Mbrojtjes së Greqisë, u regjistruan 4 shkelje të rregullave të trafikut ajror, 10 shkelje të hapësirës ajrore kombëtare dhe një përplasje ajrore mes avionëve grekë dhe turq. Pas takimit të kryeministrit grek, Mitsotakis me presidentin turk Erdogan dhe nënshkrimit të Deklaratës së Athinës për të ashuquajturat ‘ujërat e qeta’ në fund të vitit 2023, të dy vendet kishin ulur ndjeshëm tonet dhe incidentet në Egje.