Familjet që humbën shtëpitë nga termeti i 26 nëntorit, një vit më pas po sistemohen në banesa të reja. Në Tiranë janë hapur rreth 500 kantiere rindërtimi dhe puna po vijon me qëllim që çdo familje të marrë çelësat e shtëpisë së re para Vitit të Ri. Kryetari i Bashkisë së Tiranës, Erion Veliaj, inspektoi në Kashar punimet kryhen në një prej banesave të demtuara aty. Kryebashkiaku siguroi se, me gjithë pengesat që po hasen gjatë këtij procesi të rindërtimit nga ata që nuk ndërtuan asgjë, puna do të flasë vetë dhe njerëzit do të shohin veprat, jo fjalët.