Programi ‘KUQeZI’ rikthehet në platformën më të dashur të shqiptarëve, Digitalb teksa do të shoqërojë rrugëtimin e Kombëtares shqiptare në kualifikueset e botërorit 2026 që do të zhvillohet në SHBA, Kanada dhe meksikë. Ky emision që i dedikohet totalisht kuqezinjve do të vijë me një format të ri dhe do të drejtohet nga Franceska Rustem e cila do të jetë në shoqërinë e ekspertëve të futbollit, Rediu Jupi dhe Eros Grezda. Po kështu në këtë emision do të ketë edhe të ftuar të tjerë ku në cdo puntatë do të diskutohet dhe do të bëhet analiza për paraqitjet e skuadrës sonë kombëtare si dhe do të jenë intervistat me protagonistet e këtyre kualifikueseve. Emisioni KUQeZI që do të zhvillohet në ambientet e Arenës Kombëtare do të nisë transmetimin të hënë në orën 20:00 pikërisht përpara sfidës së Kombëtares me Andorrën.