Me reshje të dendura dëbore, akse rrugore të bllokuara dhe probleme me energjinë elektrike. Kështu janë zgjuar disa zona të vendit këtë të martë, ku edhe pse jemi në javën e dytë të marsit, temperaturat vijojnë të jenë të ulëta. Reshje të shumta dëborë kanë rënë në Dibër, ku trashëria arrin deri në 5 vm në qytet dhe deri në 15 cm në zonat malore. Probleme me energjinë elektrike janë raportuar në njësitë administrative Selisht, Aras dhe Lurë. Edhe Kukësi është përfshirë nga reshjet e dëborës gjatë natës por edhe përgjatë mëngjesit të kësaj të enjte, ku trashësia e dëborës arrin nga 5 deri në 20 cm. Nga raportimet bëhet me dije së rreshjet janë me intensitet mesatar dhe herë pas here me intesite të lartë. Momentalisht furnizimi me ujë të pijshëm dhe energji elektrike është normal në gjithë Qarkun e Kukësit. Hasi dhe Tropoja po ashtu janë zgjuar me reshje dëbore. Gjatë natës është punuar për pastrimin e rrugëve, për të mundësuar kështu një qarkullim më të lehtë të automjeteve. Vështërsi në qarkullimin e mjeteve ka në disa akse të rrugëve rurale në Njësitë Administrative Zapod, Shishtavec, Topojan, Bushtricë, Kalis, Margegaj, Tropoje e Vjetër, Lekbibaj. Ndërkohë, mbetet e bllokuar Njësia Administrative Arren e bashkise Kukës.