Zgjedhësit zviceranë do të vendosin sot nëse do të braktisin marrëveshjen e tyre të lëvizjes së lirë me BE apo jo. Mbështetësit thonë se lëvizja do të lejojë Zvicrën të kontrollojë kufijtë e saj dhe të përzgjedhë vetëm emigrantët që ajo do. kundërshtarët argumentojnë se ajo do ta shtyjë ekonominë e shëndetshme të vendit në recesion dhe do të privojë qindra e mijëra qytetarë zviceranë nga liria e tyre për të jetuar dhe punuar në Evropë. Ministri i drejtësisë thotë se një gjë e tillë do të krijonte një situatë me të keqe se ajo e Berxitit. Zvicra vendosi shumë kohë më parë të mos i bashkohet BE por do të ketë akses në zonën evropiane të tregtisë së lirë dhe do të bashkëpunojë me Brukselin në fusha si transporti, ambjenti, kërkimet dhe edukimi. Cmimi për këtë është mbështetja e shtyllave kryesore politike të BE, përfshirë lëvizjen e lirë dhe kufijtë e hapur të zonës Shengen.