Bashkia e Tiranës ka përgënjeshtruar lajmin e qarkulluar pasditen e së mërkurës në rrjetet sociale. Bëhet fjalë për një formular i cili njoftohej se i ishte dorëzuar fëmijëve të kopshteve për të deklaruar të dhënat e tyre. Në formularin e bërë publik, emërtimet nënë e baba ishin zëvendësuar me prindi 1 dhe prindi 2. Këto dokumentacione lëshohen nga bashkitë e më pas pranohen nga drejtuesit e kopshteve e çerdheve. Bashkia Tiranë kë publikuar formularin origjinal, i cili nuk ka asnjë ngjashmëri me atë të një dite më parë. Në njoftimin e bashkisë thuhet se kemi të bëjmë me një lajm të pavërtetë, e se ky institucion të gjitha dokumentet i ka me vulë e logo të institucionit. Propozimi për të zevendësuar emërtesat nënë dhe baba me prindi 1 dhe prindi dy u bënë pak kohë më parë nga komuniteti i LGBT. Kërkesa e këtij komuniteti ka shkaktuar një reagim të fortë publik dhe është kundërshtuar ashpër edhe nga përfaqësues të komuniteteve fetare.