Departamenti Amerikan i Drejtësisë ka publikuar grupin e parë të dokumenteve të shumëpritura për Jeffrey Epstein, biznesmenin që vrau veten në një burg të Nju Jorkut më 10 gusht 2019. Dokumentet përfshijnë listën e kontakteve të tij, regjistrat e fluturimit të avionit të tij, i quajtur "Lolita Express", dhe një listë të provave të grumbulluara nga qeveria kundër tij. 200 faqet e dokumenteve nuk tregojnë ndonjë gjë të madhe: emrat e famshëm në listën e kontakteve të Epstein përfshijnë Mick Jagger, Michael Jackson dhe aktorin Alec Baldëin. Emri i Donald Trump nuk figuron në kontakte, por dokumentet konfirmojnë se ish-financieri ka pasur marrëdhënie edhe me presidentin e Shteteve të Bashkuara. Gjatë skandalit, dolën disa foto të Trump me Epstein. Tani, regjistrat privat të aeroplanit të biznesmenit tregojnë se presidenti e përdori atë me gruan e tij të atëhershme Marla Maples dhe vajzën e tyre Tiffany më 15 maj 1994. Por këto nuk ishin fluturimet famëkeqe për në ishullin e Little Saint James. Në listën e kontakteve të Epstein, sic raporton Neë York Post, është edhe Ethel Kennedy, nëna e Robert F. Kennedy Jr., ish-guvernatori i Nju Jorkut Andreë Cuomo, supermodelja Naomi Campbell, këngëtarja Courtney Love, Bob Ëeinstein (vëllai i Harvey Ëeinstein) etj. Por kjo nuk është "një listë e klientëve të Epstein", vë në dukje gazeta.