Kryeministri në detyrë i Malit të Zi, Dritan Abazovic në një intervistë të fundit, ka folur për marrëdhëniet me liderat e vendeve të ballkanit, vecanërisht kryeministrat Edi Rama e Albin Kurtin si dhe me Presidentin e Serbisë, Aleksandër Vuçic. Abazovic ka thënë se ka marrëdhënie të mira me Vuçicin, që kryesisht janë marrëdhënie mes kolegësh. ‘Shumë të mira, raportet e mija me Vuçiç janë shumë të mira, janë kolegiale, të gjitha ato që thuhen se Vuçiç se ka patur gisht në grushtin e shtetit ose është përfshirë në politikën e malit të zi për mua nuk janë reale. Ai është president në shtetin e tij, ne kemi shtetin tonë sovran i cili ka politikat e veta. Me kryeministrin e Shqipërisë, Edi Rama dhe atë të Kosovës, albin Kurti, por edhe me kryeministrin e Kroacisë, Plenkoviç, edhe atë të Bosnjes apo Maqedonisë së veriut, jemi jashtëzakonisht bashkëpunues. Por, kemi një marrëdhënie që është jo vetëm politike, por edhe personale e njerëzore – tha Abazovic. I pyetur për raportet me Kurtin, që duken më të ngurta, Abazovic thotë se ai nuk është dakord me këtë këtë konstatim. Kryeministri në detyrë i malit të zi, thotë se e çmon Kurtin, për “qëndrimet e tij parimore”. ‘Ne jemi takuar me Kurtin dy apo tre herë”, tha Abazovic duke shtuar se të dy ata shkojnë mirë edhe pse disa cështje i shohin ndryshe. Por, marrëdhëniet me kryeministrin shqiptar Edi Rama, janë në një nivel tjetër. Abazovic thotë se ato janë shumë të miqësore dhe vëllazërore.