Ashtu siç ishte paralajmëruar një ditë më parë, pasi gratë e Uzinës së Ballshit e mbyllën grevën e urisë në ditën e 26-të, kryeministri Rama eshte takuar me to pasditen e kesaj te hene ne bashkine e qytetit. Nga burimet behet e ditur se ne takimin me kreun e qeverise kane qene njeperfaqesi nga naftetaret, 6 prej tyre burra dhe 2 gra. Gratë naftëtare kane lënë mjediset ku qëndruan për shumë ditë me radhë rreth orës 10:00 të së dielës, duke iu përgjigjur kështu kërkesës së kryeministrit për negociata, vetëm në rast se ato do te hiqnin dore nga qëndrimi në greve urie. Naftëtaret u pritën me duartrokitje nga kolegët dhe familjarët e tyre jashtë godinës. E megjithate pas vendimit per nderprerjen e greves te dielen, grate naftetare paralajmeruan se nese nuk zgjidheshin kerkesat e tyre, ato do të ndërmarrin sërish hapa të tjera. Naftetarët kërkojnë që të zbatohet vendimi i gjykatës për marrjen e pagave të prapambetura e më pas të vijojnë bisedimet për vazhdimësinë e punës në uzinë.