Rusia ka alarmuar Perëndimin të shtunënm, duke njoftuar se ka lëshuar raketa hipersonike në Ukrainë. Edhe pse është verifikuar ende, kjo të ishte hera e parë që armë të tilla janë përdorur në konflikt. Sky Neës raporton se ajo që i bën raketat aq vdekjeprurëse është shpejtësia e tyre dhe fakti se asnjë sistem raketor mbrojtës nuk mund ta gjurmojë apo ta interceptojë. Moska pretendon se një avion luftarak MiG-31 lëshoi një raketë 'Kinzhal' për të goditur një bunker nëntokësor armësh dhe municioneve në rajonin Ivano-Frankivsk të Ukrainës perëndimore, jo shumë larg kufijve të NATO. Megjithate Sky Neës raporton se vendimi i Kremlinit për ta përdorur realisht këtë raketë në Ukrainë, pranë Lvivit, në një zonë ku ka shumë media dhe gazetarë perëndimorë nuk mund të mos interpretohet si mesazh për NATO. Analistët perëndimorë thonë se baza mund të ishte sulmuar edhe nga raketa me rreze të mesme, pa patur nevojën e raketave hipersonike. Kjo raketë e hedhur pranë kufirit polak, vjen si mesazh ndërkohë që NATO po përgatitet të dërgojë dronë armë dhe raketa në ndihmë të Ukrainës.