Ky është momenti kur një raketë amerikane Hellfire godet me precizion dhomën e motorrit të një cisterne nafte që përpiqet të anashkalojë bllokadën e Donald Trump. Anija me flamur të Botsvanës injoroi paralajmërimet e lëshuara nga forcat amerikane dhe u përpoq të lundronte drejt Ishullit Kharg, përpara se të goditej nga një sulm shkatërrues. Komanda Qendrore Amerikane (Centcom) tha në X se kishte "goditur një cisternë nafte pa ngarkesë që po përpiqej të lundronte drejt një porti iranian në Gjirin Arabik" të martën. Anija, e quajtur Lexie, nuk iu bind bllokadës së imponuar nga SHBA-të pasi ekuipazhi i saj injoroi "paralajmërimet e përsëritura" për t'u ndalur. "Një avion amerikan përfundimisht e çaktivizoi anijen duke qëlluar një raketë Hellfire në dhomën e motorrit të anijes, duke e penguar cisternën të arrinte në Iran", tha Centcom pa sqaruar nëse sulmi shkaktoi viktima në bordin e cisternës. Në pamje shihet një predhë që fluturon drejt anijes përpara një shpërthimi të madh. Trump e urdhëroi bllokadën e porteve iraniane më 13 prill në përgjigje të bllokimit të Ngushticës së Hormuzit nga Irani.