Të dhënat se gjithnjë e më pak të rinj janë të predispozuar për të lidhur kurorë dhe për të pasur fëmijë, janë kthyer në shqetësim për autoritetet në Kinë. Sipas tyre, shkaku I kësaj situate janë politikat e ndjekur nga ky vend prej shumë vitesh për të ulur numrin e popullsisë, por jo vetëm.Sipas sociologëve vendas, kjo vjen edhe si pasojë e ndryshimit të qëndrimeve për martesën, veçanërisht mes grave të reja disa prej të cilave janë gjithmonë e më të zhgënjyera nga martesa për shkak të pabarazisë gjinore në rritje. Në rastet më ekstreme, disa kanë përdorur rrjetet sociale për të fyer gratë e përfshira në “martesa të rregulluara”, ku femrat duhet t`i nënshtrohen rregullave patriarkale. “Një qasje e tillë është e gabuar, por ajo tregon sesa të forta janë ndjenjat kundër shndërrimit të martesës në një lloj detyrimi. Ato shpresojnë që të gjitha femrat ta kuptojnë se martesa, në këto kushte, është një institucion I padrejtë, ndaj duan t`I qëndrojnë larg”, shprehen ekspertët. Problemi duket se është më akut në Pekin, ku mund të sjellë edhe probleme të rënda në stabilitetin ekonomik dhe shoqëror.