Shtetet e Bashkuara të amerikës ngritën avionët luftarakë pasi zbuluan një avion rus të inteligjencës dhe mbikëqyrjes, pranë Alaskës. Komanda e Mbrojtjes Hapësinore të Amerikës së Veriut, NORAD, dërgoi një avion E-3, dy avionë F-16 dhe një tanker KC-135 për të kapur një avion rus IL-20 COOT që fluturonte në Zonën e Identifikimit të Mbrojtjes Ajrore të Alaskës, të enjten. "Avioni ushtarak rus qëndroi në hapësirën ajrore ndërkombëtare dhe nuk hyri në hapësirën ajrore sovrane amerikane ose kanadeze," tha NORAD. "Ky aktivitet rus në hapësirën ajrore të Alaskës ndodh rregullisht dhe nuk shihet si kërcënim", theksonte më tej deklarata. Komanda e mbrojtjes hapësinore të amerikës së veriut përdor një rrjet mbrojtës satelitësh me shtresa, radarësh tokësorë dhe ajrorë dhe avionësh luftarakë për të zbuluar dhe ndjekur avionët dhe për të ndërmarrë veprimet e duhura. NORAD tha po ashtu në deklaratë se mbetet i gatshëm të përdorë një numër opsionesh reagimi në mbrojtje të Amerikës së Veriut."