“Vladimir Putin vitet e fundit ka qenë si një tregtar rruge droge, duke nxitur një varësi në vendet perëndimore duke na shitur gazin rus. Ka qënë kjo deklarata e kryeministri britanik Boris Johnson duke folur në konferencën pranverore të Partisë Konservatore në Blackpool. Xhonson thptë se Evropa duhet të çlirohet nga kjo varësi, nga hidrokarburet ruse në mënyrë që të shmangë shantazhimin nga Rusia. Britania që nga nisja e pushtimit rus në Ukrainë ka qenë shteti më aktiv në sanksionimet ndaj Rusisë, bashkë me SHBA. Pas pushtimit të Ukrainës, një nga levat që ka në dispozicion Moska,është eksporti i gazit të saj natyror drejt Evropës. Sipas të dhënave nga EUROSTAT, , blloku importoi në vitin 2019 rreth 35 për qind të gazit të tij natyror nga Rusia. Ky është viti i fundit për të cilin ka të dhëna gjithëpërfshirëse. Nga vendet më të mëdha evropiane, Gjermania merr gati gjysmën e gazit të saj nga Rusia; Italia rreth 40 për qind; Franca 20 për qind. Britania e Madhe blen më pak gaz nga Rusia, si pjesë e importeve të saj totale, sa gati çdo vend tjetër evropian:vetëm 9.7 për qind.