Vladimir Putin po zgjeron dhjetëra baza përgjatë kufijve të Rusisë me vendet e NATO-s, zbulojnë imazhet satelitore. Imazhet, të publikuara nga transmetuesi kombëtar i Danimarkës në bashkëpunim me shërbimet e inteligjencës, tregojnë një mori punimesh në dy vitet e fundit, duke përfshirë kazerma të reja, depo dhe automjete ushtarake. Një kompleks në arktik, Pechenga, është vetëm 8 km larg kufirit norvegjez. Spiunët thonë se zona e Murmanskut në Rusi, pranë Finlandës dhe Norvegjisë, tani mund të strehojë 17,000 ushtarë shtesë në rrezen e sulmit të fqinjëve. Një tjetër vend pranë kufirit estonez ka grumbulluar një numër të madh automjetesh ushtarake. Një ish oficer i ushtrisë britanike, Koloneli Richard Kemp, thotë për The Sun se Putin është mjeshtri i të papriturave dhe asnjë skenar nuk mund të përjashtohet. Por sipas tij, shqetësues është fakti se as britania e madhe dhe as aleatët evropianë nuk janë të gatshëm të mbrohen.