Për shkak të punimeve që po vijojnë në Lotin 1 dhe 2 të Unazës së re, janë parashikuar devijime të qarkullimit të mjeteve. Autoriteti Rrugor Shqiptar ka bërë të ditur se ‘Në vijim të punimeve për Lotin 1 dhe Lotin 2 të Unazës së Re, segmenti rrugor “Sheshi Shqiponja-Pallati me shigjeta”, ju bëjmë me dije se: Rreth rrotullimi provizor i krijuar në afërsi të “Ozone” në zonën e Astirit do të eleminohet, si rrjedhojë lëvizja në të dyja drejtimet e rrugës “Teodor Keko” do të vijojë pa kryqëzim në nivel. Aksesimi i bulevardit “Migjeni” do të bëhet vetëm nga drejtimi i lëvizjes “Sheshi Shqiponja Pallati me Shigjeta”. Aksesimi i Unazës nga Bulevardi “Migjeni” do të bëhet vetëm në drejtimin e lëvizjes Sheshi Shqiponja-Pallati me Shigjeta”. Punimet në këto dy lote kanë nisur me intensitet të lartë dhe kjo është reflektuiar edhe në trafikun e rënduar në zonë. Kujtojmë se punimet për këtë aks rrugor u bllokuan për një kohë të gjatë për shkak të protestave të një pjese të banorëve që kundërshtonin zbatimin e projektit që prekte një numër të konsiderueshëm objektesh në zonë, një pjesë e mirë e të cilavbe ishin ndërtime pa leje. Përfundimi i Unazës së re do t’i bashkohet nënkalimit që po ndërtohet në sheshin shqiponja, dhe është pjesë e projektit për Unazën e Madhe, përfundimi I së cilës do të lehtësojë ndjeshëm trafikun e lëvizjes së mjeteve në kryeqytetin shqiptar.