Sekretari i Shtetit në largim Mike Pompeo thotë se Irani është shndërruar në atdheun e ri të grupit terrorist Al Kaeda. Megjithëse e paraqesin situatën disi më të komplikuar, analistët bien dakort se Irani ka strehuar prej kohësh eksponentë të lartë të grupit terrorist dhe vënë në dukje se Irani do të vazhdojë të përbëjë një sfidë për administratën e ardhshme amerikane. Kërcënimi nga Irani ka qenë fokusi kryesor i Sekretarit të Shtetit Mike Pompeo gjatë mandatit të tij tre vjeçar si kryediplomati amerikan, dhe kjo nuk po ndryshon gjatë ditëve të tij të fundit në detyrë. Sidoqoftë, deklarata tërhoqi vëmendje. “Al Kaida ka një atdhe të ri. Është Republika Islamike e Iranit”, deklaroi Sekretari Pompeo.Pompeo tha se Al Keida po vepron nën mbrojtjen e guackës së regjimit iranian dhe se Irani është shndërruar në Afganistanin e ri – një strehë e sigurtë për rrjetin terrorist që sulmoi Amerikën më 11 shtator 2001. Shumica e ekspertëve shprehen se aleanca mes Iranit dhe Al Kaedas nuk është e re dhe se Irani nuk shërben si selia qendrore, megjithëse pranojnë se Teherani ka strehuar drejtues tw lartw tw saj prej shumë vitesh. Njw pjesw e analistwve e shohin me dyshim momentin e zgjedhur nga kryediplomati amerikan e thone se ajo mw shumw duket si masw për të shtrënguar politikën e administratës së ardhshme Biden ndaj Iranit.