Një marrëveshje mes Londrës dhe Parisit, sipas së cilës Britania mund të kthejë disa emigrantë që kalojnë Kanalin me anije të vogla mbrapsht në Francë, do të hyjë në fuqi të sot, njoftoi Ministria e Brendshme e Britanisë. Kjo marrëveshje, e arritur midis Starmer dhe Macron muajin e kaluar. Të dy qeveritë nënshkruan tekstin përfundimtar javën e kaluar. Sipas kësaj skeme, emigrantët që mbërrijnë në brigjet e Mbretërisë së Bashkuar mund të ndalohen dhe kthehen në Francë nëse konsiderohen të papërshtatshëm për azil. Në këmbim, Britania do të pranojë një numër të barabartë emigrantësh nga Franca që mund të aplikojnë për azil përmes një platforme online, duke u dhënë përparësi shtetësive më të cenueshme ndaj trafikantëve dhe njerëzve me lidhje në Britani. Numri i emigrantëve që kanë bërë udhëtimin e rrezikshëm me gomone këtë vit ka kaluar 25,000 në fund të korrikut – numri më i lartë ndonjëherë deri në këtë pikë të vitit, ndërsa Starmer po përpiqet të frenojë valën apo pakënaqësinë në rritje në brendësi të vendit. Në javët e fundit, protestuesit kundër emigracionit dhe kundër protestuesit janë përplasur jashtë hoteleve që strehojnë kërkues azili në Britani, me disa demonstrata që janë bërë të dhunshme. Por Starmer ka tentuar ta paraqesë këtë marrëveshje si një fitore diplomatike. Marrëveshja është kritikuar në Francës, disa zyrtarë thonë se skema është tepër e favorshme për Britaninë, ndërsa partia e djathtë ekstreme Reform UK e Nigel Farage thotë se nuk shkon mjaftueshëm larg për të siguruar kufijtë britanikë. Qeveria e Starmer tha gjithashtu se do ta bëjë një vepër penale promovimin në rrjetet sociale të rrugëve të rrezikshme të emigracionit drejt Britanisë, duke përfshirë kalimin përmes Kanalit. Sipas dispozitës së re, që do të jetë pjesë e një projektligji për sigurinë kufitare që po shqyrtohet në parlament, ata që do të gjenden duke reklamuar këto kalime mund të gjobiten dhe të dënohen me deri në pesë vjet burg. Sipas analizës së Ministrisë së Brendshme, 80 për qind e emigrantëve që mbërrijnë me anije të vogla i thanë zyrtarëve se gjatë procesit përdorën rrjetet sociale.