SHBA ka zbuluar planet për të ndërtuar një reaktor bërthamor në Hënë, ndërsa kërkon të lërë pas Kinën dhe Rusinë në garën hapësinore të epokës së re. Qëllimi është të shënohet territori amerikan në sipërfaqen hënore duke krijuar një qendër energjie që mund të furnizojë misionet e ardhshme. Kjo vjen vetëm disa javë pasi Rusia nënshkroi një marrëveshje me Kinën për të ndërtuar një central bërthamor në Hënë si pjesë e bazës së tyre të përbashkët hapësinore që do të ndërtohet në hënë. Reaktori rus do të përdoret për të furnizuar me energji Stacionin Ndërkombëtar të Kërkimeve Hënore, i cili do drejtohet bashkërisht me Kinën, sipas një marrëveshjeje të re të nënshkruar nga të dyja vendet. Një direktivë nga NASA thotë se një reaktor bërthamor amerikan në Hënë do të krijojë zona "mbrojtjeje" të SHBA-së në sipërfaqen hënore. Kjo bëhet për të ndaluar rivalët si Moska dhe Pekini që të kolonizojnë në mënyrë efektive Hënën.