Presidenti amerikan Donald Trump, pranoi se e quajti kryeministrin izraelit Benjamin Netanyahu "të çmendur" në një bisedë telefonike plot me fjalë të rënda për luftimet në Liban, ndërsa SHBA po përpiqej të negocionte një fund të luftës me Iranin. Në një intervistë të transmetuar të mërkurën, Trump u pyet nëse e kishte quajtur udhëheqësin izraelit “çmendur” dhe e kishte akuzuar për mosmirënjohje, sipas një raporti nga Axios. "Po! E bëra," tha Trump. "Nuk do të thoja se isha i zemëruar. Isha pak i shqetësuar nga luftimet e tij të vazhdueshme me Libanin", tha ai. Trump vazhdoi duke thënë se ai dhe Netanyahu shkojnë shumë mirë me njëri-tjetrin.Sipas raportit të Axios, i cili citoi një zyrtar të paidentifikuar amerikan, Trump i tha Netanyahut në një telefonatë të hënën: "Je i çmendur. Do të ishe në burg nëse nuk do të isha unë. Po të shpëtoj prapanicën. Të gjithë të urrejnë tani. Të gjithë e urrejnë Izraelin për këtë shkak". "Në një moment, thashë, Bibi, duhet ta ndalojmë këtë. Duhet ta ndalojmë", tha Trump në intervistë.