Një 65 vjecar i identifikuar si Faik Veliu, është plagosur me armë zjarri në orët e para të mëngjesit të kësaj të premte, jashtë shtëpisë së tij në fshatin Ngurrëz e Vogel, të Lushnjes. Burimet police bënë me dije se 65 vjecari u plagos nga vëllai i tij, Sami Veliu për motive të cilat janë ende të paqarta. Ngjarja mendohet të ketë ndodhur rreth orës 5 të mëngjesit. Faik Veliu u dërgua menjëherë në spital për të marrë trajtim mjekësorë, ndërsa bëhet me dije se ndidhet jashtë rrezikut për jetën. Shërbimet policore menjëherë pas plagosjes me armë zjarri, rrethuan zonën dhe bnë të mundur kapjen e autorit, i cili ishte i fshehur në një plantacion me shegë bashkë me armën e zjarrit tip kallashnikov, me të cilën plagosi vëllian e tij. Dyshohet se Sami Veliu vuante nga probleme të shëndetit mendor, dhe kjo mendohet të ketë qenë arsyeja që qëlloi vëllian e tij me armë. Banorët e zonës të cilët u morën në pyetje, u shprehen se në dijeninë e tyre, vëllezërit Veliu nuk kishin probleme me njëri-tjetrin dhe as probleme pronash. Ndërkohë, vijon puna nga grupi hetimorë për zbardhjen e plotë të rrethanave të ngjarjes.