Tre persona kanë mbetur të plagosur në fshatin Karkavec të Bashkisë së Përrenjasit pas shpërthimit të një granate. Shpërthimi ka ndodhur rreth mesditës, kur shtetasit me inicialet O.E., Y.B., dhe D.B., duke punuar tokën me bel dyshohet se kanë goditur dhe shpërthyer aksidentalisht një granatë të vjetër. Nga shpërthimi tre personat kanë marrë dëmtime në gjymtyrët e poshtme. Ata janë shoqëruar për në spital, ku ndodhen jashtë rrezikut për jetën.