Princesha Bajrakitijabha e Tajlandës, e cila kaloi më shumë se tre vjet në koma, ka vdekur në moshën 47 vjeç. Princesha pësoi kolaps ndërsa stërviste qentë e saj në dhjetor 2022, gjë që mjekët thonë se u shkaktua nga një infeksion dhe rrahje të zemrës shumë të çrregullta. Ajo u dërgua me urgjencë në një spital lokal përpara se të transferohej në Bangkok për trajtim të mëtejshëm, ku mbeti në koma. Por gjendja e saj u përkeqësua vazhdimisht gjatë tre viteve e gjysmë në vijim, tha pallati në një deklaratë duke njoftuar vdekjen e saj të enjten. "Kjo humbje nuk është thjesht një lajm i keq, por një pikëllim i pamasë në zemrat e të gjithë kombit", tha kryeministri i tajlandës në një fjalim në televizion. Ai e quajti princeshën "një krenari të Tajlandës" dhe vlerësoi "angazhimin e saj për të ndërtuar një shoqëri mirësie, drejtësie dhe barazie".