Një studim i ri tregon se përqindja e popullsisë globale që rrezikohet nga përmbytjet, është rritur ndjeshem prej vitit 2000. Pamjet satelitore janë përdorur për të dokumentuar rritjen, e cila është shumë më e madhe sesa është parashikuar me modele kompjuterike. Analiza e publikuar në revistën shkencore ‘nature’ tregon se migrimi dhe vërshimet në rritje janë mbrapa rritjes së shpejtë. Deri më 2030, më shumë njerëz do të përballen me vërshime për shkak të ndryshimeve klimatike dhe atyre demografike, kanë thënë autorët e hulumtimit. Këto parashikime kanë fituar vëmendje teksa një pjesë e botës është përballur me shkatërrime të mëdha të pronave, si pasojë e vërshimeve. Në Gjermani dhe Kinë, autoritetet kanë regjistruar viktima dhe dëme të mëdha si pasojë e shirave të rrëmbyeshëm. Sipas hulumtuesve, rritja e mundësive për vërshime nuk është e njëjtë në secilin vend të botës.Vendet më të ekspozuara janë konsideruar ato në Azi dhe Afrikën sub-Sahariane. Kombet në Evropë dhe Amerikën Veriore vlerësohet se janë më të stabilizuara dhe rreziku është duke u ulur.