Shirat e rrëmbyeshëm të mbrëmjes së të premtes kanë shkaktuar problem në qytetin veriperëndimor të Shkodrës. Si pasojë e reshjeve të dendura të shiut, është përmbytur pedonalja e kryeqendrës së veriut, duke u shndërruar në një shtrat lumi. Reshje me densitet të lartë ka patur në të gjithë Shkodrën, duke shkaktuar problem në qarkullimin e qytetarëve. Shkak për përmbytjet në qytet është bërë dalja jashtë funksioni e kolektorëve, të cilët nuk I kanë përballuar prurjet e mëdha. Nisur nga kjo një nga zonat më problematike ishte zona muzeale e qytetit, e cila I ngjante një lumi. Situata problematike si pasojë e reshjeve është paraqitur edhe në Lezhë. Reshjet e mbrëmjes kanë shkaktuar një sere pproblemesh, ku rrugët e mbushura nga uji kanë sjellë trafik dhe vështirësi në qarkullimin e automjeteve. Më pproblematike është shfaqur situata me bizneset që operojnë në katet e para të pallateve, ku për shkak të reshjeve të shumëta, uji ka depërtuar në ambientet e brendshme. Vjeshta pprej vitesh është pare si problem për zonën e Shkodrës e të Lezhës, të cilat thuajse çdo vit janë përfshirë nga përmbytjet.