Autoritetet japoneze kanë mundur të kapin një ari që prej ditësh ishte parë duke bredhur nëpër një qytet pranë Tokios. Një veteriner qëlloi me një pistoletë me qetësues ariun në Utsunomia, shtëpi e gjysmë milioni banorësh, por dështoi në tentativën e parë. Një qetësues i dytë u përdor rreth 15 minuta më vonë dhe më pas edhe një i tretë. Zyrtarëve iu desh një orë e 40 minuta për të kapur ariun pasi identifikuan vendndodhjen e tij rreth 2.5 km në jug të stacionit kryesor hekurudhor. Ariu, që besohet se peshon rreth 100 kg, ishte parë nga banorët më shumë se 20 herë që nga e shtuna, afër shtëpive, shkollave dhe parqeve. Ai u pa gjithashtu duke notuar në një lumë dhe duke u ngjitur mbi gardhe nëpër oborre.