Dejvi Allamani është i riu që mbeti viktimë i aksidentit tragjik mbrëmjen e së mërkurës në aksin rrugor Fushë Krujë- Thumanë. Allamani ishte shofer I njërës prej makinave që u përfshi në aksidentin fatal, ku nga përplasja e fortë nuk mundi të mbijetonte dot dhe ndërroi jetë. Ngjarja e rëndë ndodhi rreth orës 21:00. Tre automjete u përfshinë në aksident, ku të plagosur mbetën 3 persona. Ata u dërguan menjëherë në spitalin e Traumës, por njëri prej tyre Allamani, ndërroi jetë, ndërsa dy të tjerët janë ende në spital dhe po marrin trajtim mjekësor. Pamjet nga vendi i ngjarjes, treguan mjete e shkatërruara nga përplasja e fortë. Ambulanca dhe policia shkuan menjëherë në vendnngjarje, ku nxorrën trupat e të plagosurëve, pasi këta të fundit ishin bllokuar nga përplasja. Dyshohet se shkak për aksidentin fatal u bë parakalimi I gabuar dhe shpejtësia e lartë i njërit prej shoferëve, por ekspertiza ende nuk ka përfunduar. Hetuesit kanë konfiskuar kamerat e sigurisë së karburantit aty pranë, I cili ka fushëpamje të plotë nga vendi I ngjarjes. Autoritetet vijojnë hetimet deri në zbardhjen e plotë të ngjarjes.