Covdi19 rriti numrin e rasteve të dhunës në qytetin bregdetar të Vlorës. Sipas shifrave të marrë nga Drejtoria vendore e policisë dhe gjykata, bëhet me dije se numri i denoncimeve u rrit në dy vitet e fundit. Nga informacionet e marra në këto dy institucione nga viti 2020 në 2021, shifrat janë rritur me një ritëm të frikshëm. Në 2020ën janë regjistruar 149 denoncime për dhunë në familje, ndërsa në 2021-in nga janari deri në muajin tetor janë plot 160 raste. Po ashtu dhe kërkesat për udhër mbrojtje janë rritur, ku në 2020-ën kanë qenë 208 të tilla, kundrejt 215 për 2021-in. Gjithashtu raportohet se nga viti 2015 deri në vitin 2021 janë regjistruar në total 760 denoncime dhe 1392 kërkesa për urdhër mbrojtje. Në krahasim me vitet e mëparshme, duket se shifrat janë rritur në mënyrë të frikshme. Pra, në 4 vitet e mëparshme kemi një mesatare me 112 denoncime në vit, ndërsa siç duket në dy vitet e fundit janë plot 309, duke shënuar një mesatare me 154.5 raste në vit. Në anën tjetër raportohet se ka pasur dhe një numër të madh të tërheqjes së denoncimeve të bëra, kjo e ardhur si pasojë e presionit nga dhunuesi.