Top News – Pandemia, Komiteti Teknik heq kufizimin /Çfarë u duhet të huajve që vizitojnë Shqipërinë?

Situata e koronavirusit në vend, u paraqit më e lehtësuar nga ekspertët e komitetit teknik, të cilët rishikuan masat kufizuese antiCovid, refruar shifrave të të shtruarve në spitalet Covid si dhe numrit të të vaksinuarve në vend. Në mbledhjen e kësaj të premte, komiteti teknik i ekpertëve vendosi të heqë kufizimin e grumbullimeve deri në 50 persona, ndërkohë vijon të ngelen në fuqi dokumentacioni, që duhet paraqitur për t’u futur në territorin shqiptar. "Komiteti i Ekspertëve vendos të heqë kufizimin e numrit të personave deri në 50 në grumbullime dhe të mbushjes së kapaciteteve deri në 30 të hapësirave ku zhvillohen këto aktivitet. Ata që hyjnë në Shqipëri duhet të dorëzojë pasaportë vaksinimi, test PCR, provë të kalimit ët infeksionit. Qytetarët rezidentë që nuk kanë dokumente, duhet të vetizolohen. Në aeroporte do të lejohen vetëm pasagjerët që udhëtojnë, që duhet ët mbajnë maskën. Që të kemi një vjeshtë të qetë, duhet ët rendim në qendrat e vaksinimeve"