Zemërthyese janë pamjet e zjarrit që shpërtheu në mënyrë të pakontrolluar në Tribe, duke shkatërruar prona të ndërtuara falë një punë të palodhur prej vitesh, duke i lënë njerëzit në dëshpërim. Në videot dhe fotot e publikuara nga mediat greke dallohet qartë një peizazh gri dhe në të njëjtën kohë në materialin pamor paraqitet gjallërisht shkalla e shkatërrimit.Fronti i zjarrit është i madh, ndërsa erërat e forta e bëjnë shumë të vështirë detyrën e zjarrfikësve për frenimit të tij. Autoritetet kanë nisur një operacion të madh evakuimi ndërkohë që ka shumë zjarre të vogla dhe të shpërndara në Hasia. Situata është mbytëse dhe tymi i dendur në zonë është i madh, duke arritur deri në rrugën “Atiki”. Dramatik është apeli i kryebashkiakut të Fylis, Christos Pappous, i cili kërkon ndërhyrje urgjente me mjete ajrore.