Operacioni Forca e Ligjit ka kërkuar vetëdeklarimin e pasurisë dy të dënuarve në Përmet dhe Gjirokastër. Dy të dënuarve, Përparim Muhameti dhe Barjam Boci u është kërkuar deklarimi i burimeve të pasurisë së tyre. Përmarim Muhameti është dënuar për vrasje, ndërsa 27 vjeçari Barjam Boci ka vrarë efektivin e RENEA-s në Lazarat, Ibrahim Basha dhe plagosi dy policë të tjerë. Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve: Përmarim Muhameti., banues në Përmet, i dënuar për veprën penale “Vrasja me paramendim”, I akuzuar per vrasjen e Astrit Alisë në Gjirokastër. Ne siten e OFL, eshte edhe Bajram Boci, banues në Gjirokastër, i dënuar për veprat penale “Organizata kriminale”, “Kryerja e veprave penale nga organizata kriminale dhe grupi i strukturuar kriminal”, “Vrasja e punonjësve të Policisë së Shtetit”, e kryer në bashkëpunim dhe “Vrasja e punonjësve të Policisë së Shtetit”, e kryer në bashkëpunim, e mbetur në tentativë, në pesë raste. Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme