Presidenti serb Aleksandar Vuçiç ka deklaruar se nuk do të kandidojë në zgjedhjet e ardhshme presidenciale në Serbi. Kjo u raportua nga kanali televiziv serb RTS. Gjatë një konference të përbashkët me kancelarin austriak Christian Stoker, presidenti serb tha nga Vjena se është një veteran politik, dhe se nuk mund të kandidojë më për president. “Sa i përket zgjedhjeve, për fat të mirë për ne, përgjegjësia për to rregullohet me ligj. Do të ketë zgjedhje dhe do të shohim se çfarë do të thotë populli. Unë jam veteran politik dhe nuk kam ndërmend të ndryshoj Kushtetutën. Nuk do të kandidoj përsëri, por do të ndihmoj dikë”, tha Vuçiç. Ai shtoi se nëse mbështet një kandidat i cili, sipas mendimit të tij, mund ta udhëheqë Serbinë në të ardhmen, do të luftojë për suksesin e tij në zgjedhje. "Si do ta bëj këtë nuk është temë diskutimi tani dhe unë vetë nuk mund ta them", shtoi presidenti serb. Teksa u shpreh se nuk është dictator, Vuçiç kujtoi se do ta përfundonte karrierën e tij presidenciale pas një viti e gjysmë. Ai ka qenë në krye të presidencës që nga qershori i vitit 2017.