Më 1 shtator Qeveria e Kosovës pritet të fillojë zbatimin e reciprocitetit me Serbinë, në çështjen e targave dhe dokumenteve duke bërë që forcat e KFOR të vendosen në gadishmëri për tensione në Veri. Kryeministri i vendit, Albin Kurti priti së fundmi në një takim komandantin e Forcave paqeruajtëse të NATO-s në Kosovë (KFOR), Gjeneral Major Ferenc Kajári për të diskutuar për angazhim dhe koordinimi me Forcat paqeruajtëse të NATO-s për sigurinë në Veri. Po sa trupa ka KFOR- në Kosovë dhe cilat shtetet prijnë me numrin e forcave?. Sipas në njoftimi në faqen e NATO-s, bëhet e ditur se në Kosovë aktualisht janë 3,735 ushtarë. Sipas këtij njoftimi, Italia prin me numrin e ushtarëve në Kosovë, me 638, pastaj SHBA-të me 635, Hungaria me 469 dhe më pas Turqia me 350 etj. Kryeministri i Kosovës, Albin Kurti, tha në një intervistë për gazetën gjermane “Die Ëelt”, se për shkak të kërcënimit nga Serbia dhe Rusia ka nevojë urgjente për rritjen ndjeshme të numrit të ushtarëve të NATO-s në Kosovë. Kurti ka thotë se trupat e KFOR-it do të ndihmonin për të përmirësuar sigurinë e Kosovës duke zgjeruar më tej strukturat dhe kapacitetet e sigurisë.