Ashtu sic ndodh cdo vit, emigrantët kosovarë që jetojnë e punojnë në perëndim, kthehen në atdheun e tyre, por përballen atje me radhë dhe orë të gjata pritjeje në kufi. Sipas të dhënave të Qendrës Kombëtare për Menaxhimin Kufitar, pritjet më të gjata regjistrohen në pikën kufitare të Merdares dhe në atë të Dheut të Bardhë. Pritja për të hyrë Kosovë, në pikën kufitare në Merdarë, shkon deri në 120 minuta, ndërsa radha e automjeteve të ndalura shkon deri në 1 km. Ndërsa, për të dalë nga Kosova, në këtë pikë kufitare, duhet të presësh vetëm 3 deri në 5 minuta dhe nuk ka autokolona makinash. Ndërsa në pikën e kalimit kufitar Dheu i Bardhë, po sipas qendrës kombëtare të menaxhimit të kufijve, pritjet për të hyrë në Kosovë zgjasin për rreth 40 minuta ndërsa kolona e mjeteve zgjatet për 250 metra. Për të dalë nga kosova, pritja është ndjeshëm më e shkurtër.