Mes të mëdhenjve të botës së spektaklit, Sean Penn, ka qenë ai që nga fillimi ka ngritur zërin për luftën në Ukrainë. Fillimisht shkoi atje për të filmuar pamje për një dokumentar mbi pushtimin rus, dhe më pas duke ndihmuar refugjatët në Poloni. Tani në Tëitter, ka hedhur idenë për zgjidhjen e konfliktit. Nëse ndonjë miliarder do të ishte i gatshëm të jepte paratë për blerjen e dy skuadriljeve me F-15 dhe F-16, për një total prej 12 avionësh, që do ti jepeshin ushtrisë ukrainase, - thotë aktori e regjisori – lufta mund të përfundonte shumë shpejt. Nëse bëhen disa llogari të thjeshta – thotë Sean Penn, do të duheshin 300 milionë dollarë për të blerë 12 avionë, F-15 ose akoma më mirë F-16, që kanë në cdo rast teknologji më të mirë se ajo e avionëve rusë. Më pas do të duheshin tre javë trajnim për pilotët ukrainas në mënyrë që të mund ti komandonin mirë mjetet e tyre të reja. E këtyre mund ti shtoheshin 200 milionë dollarë raketa për mbrojtje. Pra në përfundim, do të mjaftonin 500 milionë dollarë, nga një miliarder që do të mund ta konsideronte madje këtë edhe si investim, për ti dhënë fund luftës. Por, sidoqoftë, e gjithë kjo nuk është aq e thjeshtë sa c’e prezanton aktori. Edhe vetë ai pranon se do të kishte edhe kosto shtesë, por në fund të fundit, ia vlen ta marrësh në konsideratë si ide.