Taulant Xhaka i ka dhënë lamtumirën Kombëtares Shqiptare të Futbolit. Lajmi shokues është transmetuar nga vetë mesfushori ku shpjegoi në letrën e tij më së miri që në këtë vendim ndikuan një sërë faktorësh, duke vecuar këtu edhe dëmtimet e shpeshta. 30 vjecari ka debutuar me përfaqësuesen kuqezi në vitin 2014 dhe qe nga ajo kohë numëron plot 31 paraqitje me Shqipërinë, ku vlen të përmendet fakti që Xhaka ishte pjesë e grupit që shkroi historinë duke e kualifikuar kombëtaren në Europianin e vitit 2016. Përvec lëndimeve të përsëritura, lojtari që aktivizohet me skuadrën e Bazelit ka pasur mosmarrëveshje me trajnerin e kuqezinjve Edi Reja, që sipas këtij të fundit mesfushori ka refuzuar shpeshherë ftesat e tij dhe është pikërisht kjo aryseja që po tërhiqet nga Kombëtarja, por për Xhakën kjo nuk është aspak e vërtetë pasi shkaktari kryesor kanë qenë dëmtimet. Nëpërmjet letrës së tij mesfushori shprehu të gjithë emocionet, eksperiencat dhe të vërtetat qe hedhin dritë mbi dyshimet duke u larguar nga kombëtarja shqipare e futbollit në mënyrë përfundimtare.