Ndërtimi i sallës së ballove në Shtëpinë e Bardhë, një projekt që Donald Trump tha fillimisht se nuk do t’u kushtojë asnjë qindarkë taksapaguesve amerikanë është shndërruar në një mollë të re të sherrit mes Presidentit amerikane dhe drejtësisë. Një gjyqtar i distriktit të Uashington bllokoi punimet me arsyetimin se Donald Trump duhej të merrte miratimin e kongresit dhe se projekti shkon përtej kompetencave të tij si President i SHBA. Vendimi i gjyqtarit Richard Leon e ka vënë këtë të fundit në shënjestër të sulmeve të Trump, që përmes rrjeteve sociale e ka akuzuar se po cenon sigurinë e SHBA. Arsyet lidhen me transformimin e projektit, që nga sallë festive tashmë është menduar edhe si bunker për strehimin e zyrtarëve të lartë të SHBA dhe udhëheqësve ushtarakë në raste konfliktesh madhore.