Përmes një nisme të ndërmarrë nga qeveria e Turqisë, në zonën pranë liqenit të Farkës ka filluar mbjellja e 100 pemeve të reja, pjesë e projektit “frymëmarrje për të ardhmen” që po zbatohet njëkohësisht në disa vende të botës. Kryeministri Edi Rama nga Farka, ndërsa ka falënderuar Turqinë për nismën, tha se ky aksion që kryhet në disa vende njëkohesisht, ka hyre ne rekoredet guinnes pasi ne edicionin e pare u mbillen gjithsej 11 milionë fidanë të rinj. “Ky është një organizim i ndërmarrë nga presidenti Erdogan, Në të njëjtën orë po mbjellen në të njëjtën kohë në botë 11 milionë pemë. Kjo ka hyrë në librin Giness. Në liqenin e Farkës po mbjellim 1 mijë pemë në një proces që Tirana ka qenë në vijën e parë, me një ndërprerje të vogël gjatë dy fazave, që kur isha kryetar bashkie dhe qysh Erioni ka marrë bashkinë në funksion të shumicës. Jam krenar që sot ne shohim frytet e prekshme të moratoriumit që ka ndaluar prerjen e pyjeve përveçse nevojave të popullsisë në zona të caktuara. Kemi një ripërtëritje të vazhdueshme të mushkërive të vendit dhe të faunës, çka mund të shihet në mënyrën më spektakolare në parkun kombëtar të Divjakës. Ku kemi një destinacion ndërkombëtar për ata që janë të pasionuar për specie të ndryshme. Jemi sot që flasim në një kantier pranë Tiranës, në Porto Romano. Në muajin dhjetor, ministria e Bujqësisë, bashkë me ministrinë homologe të Turqisë, do të ulen së bashku për të diskutuar një plan të përbashkët ku ndër dimensionet e tjera është dhe dimensioni i gjelbër. Turqia është një nga shembujt më domethënës në botë, ka një ekspertizë të jashtëzakonshme që bujarisht do na e përcjellë dhe ne” Shefi i qeverisë në prani të ambasdorit të Turqisë në Tiranë, vlerësoi nismën për mbjelljen e pëmeve e ndërmarrë nga presidenti i Turqisë Erdogan, të cilin Rama e cilësoi një mik të mirë të shqiptarëve.