Ish komandanti i Ushtrisë Clirimtare Kombëtare, Talat Xhaferri, është bërë shqiptari i parë që udhëheq Maqedoninë e Veriut pasi u zgjodh kryeministër teknik muajin e shkuar dhe kjo ka tërhequr vëmendjen e mediave të huaja, ndër të cilat edhe agjencia franceze e lajmeve AFP. Rreth një e katërta e 1.8 milionë banorëve të maqedonisë së veriut, nënvizon AFP, janë shqiptarë. Por, që kur vendi shpalli pavarësinë nga ish jugosllavia në 1991, tensionet mes shumicës maqedonase dhe shqiptarëve, kanë qenë të larta. Në janar, Xhaferri bëri betimin si kryeministër, pa protesta të mëdha, një ndryshim radikal ky krahasuar me demonstratat dhe protestat që shënjuan karrierën e tij si ministër mbrojtje në 2013-ën dhe si kryetar i parlamentit në 2017-ën. “Unë do të mbroj balancën etnike dhe harmoninë mes komuniteteve- tha kryeministri 61 vjecar pas betimit ndërsa foli në maqedonisht dhe në shqip. E ndërkohë, këndvështrimet e analistëve dhe komuniteteve, mbeten të përziera. Për analistin politik, Sefer Tahiri, zgjedhja e xhaferrit është simbolike dhe synon të promovojë marrëdhëniet e mira ndëretnike.