Operacionet policore me qëllim goditjen e paligjshmërisë kanë vijuar në të gjithë vendin, me synimin për të cuar përpara drejtësisë të gjithë ata persona që janë të përfshirë në një ngjarje kriminale dhe jo veëm. Dy të rinj të moshës 19 vjec janë vënë në pranga nga policia e Gjirokastrës, pasi akuzohen për transportim të emigrantëve të paligjshëm nga Shqipëia drejt një kufiri tjetër, kundrejt një shume monetare. Policia bën me dije se këta shtetas u arrestuan në flagrancë, në aksin rrugor Kakavije-Gjirokastër, në vendin e quajtur "Kordhocë", duke transportuar me automjetin e tyre tip "Toyota", 4 emigrantë të paligjshëm nga vendet e treta, kundrejt fitimit. Vec këtyre policia shpalli në kërkim një 20 vjecar, me vendbanim në Lushnje, pasi gjatë veprimeve hetimore ka rezultuar bashkëpunëtor në këtë veprimtari kriminale. Gjatë operacionit policor "ROAD GUARD 9", u sekuestrua automejti i tyre si dhe dy aparate celularë që këta shtetas përdornin për të komunikaur me klientët e tyre. Materialet hetimore i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.