Qeveritë e rajonit të Ballkanit Perëndimor dhe më gjerë i janë përgjigjur krizës në tregun e karburanteve përmes një sërë masash, mes të cilave: vendosja e çmimeve tavan dhe kufizimit të fitimit, ulje taksash dhe masa fiskale, kontrolle më të forta të tregut dhe masa administrative. Në Kroaci, Andrej Plenkovic njoftoi një çmim tavan prej 1.50 euro për litër për benzinën dhe 1.55 euro për litër për naftën. Kjo masë u përdor edhe gjatë krizës energjitike pas luftës në Ukrainë. Serbia ndërmorri një politikë kontrolli më të rreptë shtetëror mbi tregun e karburanteve. Beogradi ka vendosur një ndalim të përkohshëm të eksporteve të naftës bruto, benzinës dhe naftës deri më 19 mars, me qëllim mbrojtjen e tregut vendas nga mungesat dhe rritjet e mëtejshme të çmimeve. Në Kosovë, qeveria vendosi një marzh fitimi maksimal të përkohshëm prej 0.02 euro për litër në shitjet me shumicë dhe 0.12 euro me pakicë. Në Maqedoninë e Veriut, Hristijan Mickoski la të hapur mundësinë e uljes së TVSH-së nëse kriza përshkallëzohet