Ushtria izraelite njoftoi se forcat e saj kanë goditur objekte të lidhura me regjimin iranian në orët e para të 8 qershorit, në përgjigje të sulmeve të Teheranit ndaj Izraelit. Kjo ndodhi pak orë pasi presidenti amerikan, Donald Trump, tha se do t’i kërkojë kryeministrit izraelit, Benjamin Netanyahu, të mos ndërmarrë sulme të tilla. “Forcat Ajrore të Izraelit goditën objektiva ushtarake që i përkasin regjimit terrorist në Iranin perëndimor dhe qendror, pak kohë më parë”, shkruan Forcat e Mbrojtjes së Izraelit në X por nuk dhanë më shumë detaje. Televizioni shtetëror iranian raportoi se shpërthimet janë dëgjuar në qytete të ndryshme të vendit, përfshirë Teheranin, Karaxhin, Tabrizin dhe Isfahanin. Paraprakisht, Irani lëshoi një breshëri raketash drejt Izraelit, çka shënoi përshkallëzimin e parë të tillë që nga arritja e një armëpushimi të brishtë më 8 prill.