Papa Françesku mbërriti të shtunën në Athinë si pjesë e turneut pesëditor në Qipro dhe Greqi, që synon të forcojë lidhjet midis Vatikanit dhe kishave ortodokse greke. Udhëtimi i Papës në rajon është fokusuar edhe në gjendjen e vështirë të azilkërkuesve pasi disa vende evropiane ashpërsojnë politikat e tyre të kontrollit të kufijve. Në Athinë, Ati i Shenjtë u takua me kreun e Kishës Ortodokse të Greqisë, Kryepeshkopin, si dhe me lidershipin politik të vendit, kryeministrin Kyriakos Mitsotakis dhe Presidenten. “Pa Athinën dhe Greqinë, Evropa dhe bota nuk do të ishin ato që janë, do të ishin më pak të mençura dhe më pak të lumtura”, u shpreh Papa Françesku.