Një fëmijë i moshës 5 vjec nga Saranda ka ndërruar jetë në një spital të Turqisë, pasi ishte duke marrë trajtim si i infekruar me Covid 19. I mituri ka qenë I shtruar 8 ditë në spitalin e Sarandës dhe kur gjendja e tij shëndetësore është rënduar ai u dërgua menjëherë në spitalin e Tiranës me helikopter dhe aty mori trajtim për një javë tjetër. Mirëpo, kur gjendja e tij shëndetësorë u rëndua akoma më shumë, ai u dërgua me urgjencë në Turqi ku mori trajtim për 5 ditë të tjera, por fatëkeqësiht ndërroi jetë. Sipas burimeve, fëmija kishte probleme me frymëmarrjen dhe 8 ditë që ishte I shtruar në spitalin e Sarandës ka qenë me temperaturë të lartë. Sipas informacioneve, i mituri, nuk kishte sëmundje të tjera por vuante nga obeziteti dhe peshonte rreth 54kg. Kreu i pneomologjisë në Sarandë dr. Niko Kuri u shpreh se fëmija u soll në spital me probleme serioze të frymëmarrjes dhe temperaturë të lartë. Dy teste të njëpasnjëshme të kryera në Sarandë rezultuan negative por ai u konfirmua si Covid pozitiv në QSUT pas testit PCR.