21 viktima janë regjistruar në Greqi për shkak të Covid 19 në 24 orët e fundit. Mes viktimave është edhe një 21 vjecar, I cili sipas autoriteteve shëndetësore ishte i pavaksinaur. Mediat greke njoftuan se I riu ishte shtruar në njësinë e kujdesit intensiv tetë ditë më pare, pasi kishte sëmundje të lehtë të frymëmarrjes. Zv/ministrja e Shëndetësisë Mina Gaga, disa ditë më parë përmendi rastin e të riut, duke bërë kështu thirrje për vaksinimn tek moshat e reja. Nga burimet bëhet me dije se i riu ishte diagnostifikuar me covid në fillim të shtatorit dhe me datë 16 u shtrua në spital. Gjatë 24 orëve të fundit në Greqi janë shënuar 2 mijë e 331 raste të reja me covid. Po gjatë kësaj fashe orare, 194 pacientë të rinj, janë shtruar në spitale. Aktualisht 347 pacientë janë në intubim, ku 307 prej tyre janë të pavaksinuar.