Kryeministri britanik Keir Starmer do të njoftojë një ndalim të platformave "të dëmshme" online për fëmijët nën 16 vjeç, duke ruajtur aksesin në disa forma më të sigurta të mediave sociale, raportoi gazeta Times të hënën. Starmer thuhet se ka vendosur të ndërmarrë këtë hap pasi foli me prindër të pikëlluar dhe shqyrtoi provat nga Australia, e cila i ndaloi mdiat sociale për fëmijët nën 16 vjeç dhjetorin e kaluar. Një burim nga Doëning Street tha: "Kryeministri nuk ka frikë të përballet me kompanitë e teknologjisë dhe shefat e tyre për të mbrojtur të rinjtë." Një burim i afërt me çështjen tha se një ndalim zyrtar nuk ka gjasa të ndodhë këtë javë. Qeveria mund të japë njëherë detaje mbi përpjekjet për të mbajtur fëmijët larg mediave të dëmshme sociale me fokus të vecantë tek imazhet e seksualizuara në Internet. Shqetësimet mbi ndikimin e mediave sociale në shëndetin mendor dhe sigurinë online e shtynë Britaninë të nisë një konsultim të gjerë mbi aksesin e fëmijëve në mediat sociale në fillim të këtij viti.