Çmimi i naftës dhe benzinës është rritur sërish. Bordi i Transparencs ka vendosur këtë të premte rritjen e çmimit të hidrokarbureve, ndërsa vendimi është në fuqi prej orës 18. Çmimet janë rritur dhe në bursën ndërkombëtare, e cila tashmë po shfaq pasojat në të gjitha pikat e tregtimit të tyre. Nafta ka pësuar një rritje me 9 lekë për litër, ku çmimi ka shkuar 235 lekë, nga 226 lekë për litër që ka qenë një ditë më parë. Një rritje me dy lekë ka pësuar dhe benzina, ku nga 209 lekë ka shkuar në 211 lekë për litër. Litri i gazit ka shkuar në 115 lekë, teksa këto shifra do të mbeten të tilla deri në mbledhjen e radhës të bordit.